Ж.Галбадрах захирлын оронд нэг өдөр ажиллаад түүнийг ямар их завгүй, ямар их хөдөлмөрч хүн болохыг ойлгосон юм. Манай сургууль тав дахь өдөр болгон үеийн яриа хийж алдар цуутай хүмүүсийг урьж зөвлөгөө өгүүлдэг нь биднийг л сайн хүн болж, сайн яваасай гэх “СУРГУУЛИЙН ХҮСЭЛ” гэж боддог. Сургуулийн бүх сурагчид сургуулийнхаа соёлыг хүндэлж, мөрдөж байдаг нь сургуулийн нэгээхэн зорилго биелж байгааг харуулдаг. Энэ сургуульд сурч байгаа хүүхэд бүхэн япон улсад сурахыг мөрөөдөж, тэмүүлдэг. Энэ зорилгыг нь хурцалж өгдөг хүн бол Харүмафүжи аварга юм. Аварга үргэлж инээмсэглэн ямар нэгэн асуудал байвал надад хэлээрэй хэмээн биднийг хамгаална. Миний зорилго бол хиймэл оюун ухааныг хөгжүүлэх юм. Одоогийн байдлаар хиймэл оюун ухааны хэрэглээ хаа сайгүй харагдана. Эмнэлгийн салбараас эхлээд эрүүгийн хэлтэст ч хэрэглэгдэх юм. Энэ нь хүмүүсийн хийж буй ажлыг хөнгөвчилж, зарим зүйлс дээр хүнээс илүү найдвартай байж, орчин цагийн хүн төрөлхтний тулгарч буй асуудлыг шийдэж чадна гэж би боддог.